CAMBOSASTRA~ ខេមបូសាស្ត្រ

របាំខ្មែរ
នៅ​ក្នុង​ឯកសារ​ “របាំ​ខ្មែរ” ​របស់​អ្នកនិពន្ធ ពេជ្រ ទុំក្រវ៉ិល ដែល​ត្រូវ​បាន​បោះពុម្ព​ឡើង​នៅ​ក្នុង​ឆ្នាំ​២០០១ បាន​កត់ត្រា​ថា របាំ​ខ្មែរ​មាន​ចំនួន​បី​ប្រភេទ​គឺ​របាំ​ក្បាច់​បុរាណ​ខ្មែរ របាំ​ប្រពៃណី​ខ្មែរ និង​របាំ​ប្រជាប្រិយ​ខ្មែរ។
របាំ​ក្បាច់​បុរាណ​ខ្មែរ គេ​អាច​ហៅ​ម៉្យាង​ទៀត​ថា របាំ​ព្រះ​រាជ​ទ្រព្យ ដែល​ក្នុង​នោះ​មាន​ដូច​ជា របាំ​ជូនពរ របាំ​ទេព​មនោរម្យ របាំ​អប្សរា របាំ​រាម​លក្ម្សណ៍ ជប​លក្ម្សណ៍ របាំ​មុនី​មេខឡា និង​របាំ​សុវណ្ណ​មច្ឆា ជា​ដើម។
របាំ​ប្រពៃណី​ខ្មែរ គឺ​សម្គាល់​របាំ​ទាំង​ឡាយ​ណា​ដែល​ស្ថិត​ជាប់​នឹង​ពិធី​ប្រពៃណី ឬ​ពិធី​តំណ​ត្រកូល ដ៏​យូរលង់​មក​ហើយ​របស់​ជន​ជាតិ​ខ្មែរ ឬ​ក៏​ជនជាតិ​ដទៃ​ទៀត​ទាំង​អស់ ដែល​រស់នៅ​លើ​ទឹក​ដី​នៃ​ព្រះ​រាជា​ណាចក្រ​កម្ពុជា។
របាំ​ប្រពៃណី​ដែល​អ្នក​និពន្ធ​បាន​រក​ឃើញ មាន​ចំនួន​៤០ ប្រភេទ​ដែល​មាន​ដូចជា របាំ​ត្រុដិ របាំ​ក្ងោក​ប៉ៃលិន​និង​របាំ​បេះ​ក្រវាញ ជាដើម។
ចំពោះ​របាំ​ប្រជាប្រិយ​ខ្មែរ​វិញ គឺ​ជា​ប្រភេទ​របាំ​ដែល​មាន​ការ​និយម​ជា​ទូទៅ​នៅ​ក្នុង​ប្រទេស ដែល​មាន​ដូច​ជា រាំ​វង់ រាំ​ក្បាច់ និង​សារ៉ាវ៉ាន់ ជាដើម។
របាំ​បុរាណ​ខ្មែរ ឬ របាំ​ព្រះ​រាជ​ទ្រព្យ ត្រូវ​បាន​ដាក់​បញ្ចូល​ទៅ​ក្នុង​បេតិក​ភណ្ឌ​វប្បធម៌​របស់​មនុស្ស​ជាតិ​នៃ​ អង្គការ​យូនីស្កូ នៅ​ថ្ងៃ​ទី​៣ ខែ​វិច្ឆិកា ឆ្នាំ​២០០៣៕

[Read more →]

[youtube=http://uk.youtube.com/watch?v=6JIRIzMWoxc]
Download Lyrics ដោនឡូតបទចំរៀង (PDF)

[Read more →]

[youtube=http://uk.youtube.com/watch?v=tgKSK7WD1_s&feature=related]

[Read more →]